XX. mendeko Euskararen Corpus estatistikoa
Testuingurua
IV EKITALDII AGERLEKU.-Artzulo (koba) ilun. Maskilu bat irakiten, erdian.
I SORG..- Iru aldiz egin dau miau katu nabarrak.
II SORG.- Iru bider; eta kirikiñolatzak bein egin dau irrintzi.
III SORG.-
I SORG..- Bira dagigun maskiluaren inguruan; barruzki edenduak egotzi barrura.
Arripe otzean ogei ta amaika gau ta egunez lo-eginda, izerdi-zitala sortu dokan kunkun orrek irakin egik lenen ontzi liluratuan!
IRURAK.- Beste ainbestetu, beste ainbestetu lana ta nekea; su-egin, erre; eta ik, maskilu, kaskabilloak atera.
II SORG.- Zingira-sugearen ede bat irakin-eragin eta egosi maskiluan; suge-lenderaren begia ta ugaraxoren beatza, saguzarren ule ta txakur-miña, sugegorriren izpia eta ziraun-agiña, muskerren zangoa ta mozollo-egoa, su-lezako salda-antzera irakin-eragin eta kaskabilloak atera, lilura indartsu ta kaltegarria iritxi dagigun.
IRURAK.- Beste ainbestetu, beste ainbestetu lana ta nekea; su-egin eta erre; eta ik, maskilu, kaskabilloak atera.
III SORG.- Iransuge-ezkatak, otso-agina, sorginen soin igarra, itsaso asarre-gaziko marrazoren biusturia, gabaz aterako otzerri- bedar-zustarra, Yudar biraotiren gibela, auntzen beaztuna, iretargi-ilunaldian aterako agin-azal-edeak, Turkarren surra ta Tartaritarren ezpanak, bide-ertzeko arekan urdaskak erdiratu ta erdiratu-ala itoriko sein-atza.
Salda lodi ta intsikorra dagigun zer guztiokaz; katamotzaren barruzkiak ezarri orreri maskilukoen geigarritzat.
IRURAK.- Beste ainbestetu, beste ainbestetu lana ta nekea; su-egin eta erre, eta ik, maskilu, kaskabilloak (puxekak) atera.
II SORG.- Otzitu orain matxango-odolagaz, ta, orrazkero, sendo ta on da lilurageia.
HEKATE.- Ederto baño edertoago egina!
Aleginak-alegin egingo al dozuez, sari bana izango dozue-ta.
Eta abestu orain maskiluaren inguruan, maitagarri ta mamuen antzera, estuna eginik, barruan artzen dozuen oro liluratuteko.